“ശ്രീരാമദീപ പ്രയാണത്തിന്റെ ഈ പുണ്യവേളയിൽ, ഭക്തലക്ഷങ്ങളുടെ ഹൃദയാന്തരങ്ങളിൽ രാമനാമത്തിന്റെ ചൈതന്യം നിറച്ചുകൊണ്ട്, കാഞ്ഞങ്ങാട് ആനന്ദാശ്രമം മഠാധിപതി നൽകിയ അമൂല്യമായ ശ്രീരാമമന്ത്ര ദീക്ഷ നമുക്ക് വഴികാട്ടിയാവുന്നു. ആനന്ദാശ്രമത്തിലെ പുണ്യപുരുഷന്മാരുടെ അനുഗ്രഹത്താൽ ലഭ്യമായ ഈ ദിവ്യമന്ത്രം ഓരോ ഭക്തന്റെയും ആത്മീയ യാത്രയ്ക്ക് ഉണർവേകട്ടെ.

ശ്രീരാമ സന്ദേശം ഭക്തരിൽ എത്തിക്കുന്ന ഈ ഭവ്യമായ പരിപാടി കൂടുതൽ ആത്മീയപരമായി മാറ്റേണ്ടതാണ് എന്ന സ്വാമിജിയുടെ ഉപദേശപ്രകാരം, അവിടുന്ന് ഉപദേശിച്ചുതന്ന പവിത്രമായ ‘ഓം ശ്രീരാം ജയ രാം ജയ ജയ രാം’ എന്ന മന്ത്രം ശ്രീരാമദീപപ്രയാണത്തിൽ പങ്കെടുക്കുന്നവരും ഭക്തരും മുഴുവൻ വിശ്വാസികളും 108 തവണ ഭക്തിപൂർവം എഴുതി മാലയാക്കി പ്രയാണത്തിൽ സമർപ്പിക്കേണ്ടതാണ്.

ഈ സമർപ്പണങ്ങൾ അയോധ്യ ശ്രീരാമജന്മഭൂമി തീർത്ഥക്ഷേത്രത്തിൽ ശ്രീരാമഭക്തമണ്ഡലി സമർപ്പിക്കുന്നതാണ്.”